भारताच्या संरक्षण सामर्थ्याला नवी झेप! अमित शाह यांची भारत फोर्जला भेट

सातारा जिल्ह्यातील वडूथ परिसरातील भारत फोर्जच्या औद्योगिक केंद्रामुळे जिल्ह्याच्या औद्योगिक महत्त्वावरही प्रकाश

फॉन्ट आकार:
जाहिरात / Advertisement
Google AdSense Responsive Ad Unit
(Ad ID: 7892341209 - LiveMaharashtra24.com Slot)
भारताच्या संरक्षण सामर्थ्याला नवी झेप! अमित शाह यांची भारत फोर्जला भेट

सातारा जिल्ह्यातील वडूथ परिसरातील भारत फोर्जच्या औद्योगिक केंद्रामुळे जिल्ह्याच्या औद्योगिक महत्त्वावरही प्रकाश

पुणे | प्रतिनिधी :

केंद्रीय गृहमंत्री तथा सहकारमंत्री अमित शाह यांनी रविवार, दि. १५ नोव्हेंबर रोजी पुण्यातील मुंढवा येथील कल्याणी-भारत फोर्जच्या औद्योगिक प्रकल्पाला भेट दिली. यावेळी त्यांनी कंपनीच्या संरक्षण साहित्य निर्मितीची पाहणी करून भारताच्या स्वदेशी संरक्षण उत्पादन क्षमतेची माहिती घेतली.

या भेटीदरम्यान अमित शाह यांनी उत्तर प्रदेश विशेष कृती दलासाठी (UP STF) तयार करण्यात आलेल्या ५.५६ × ४५ मिमी क्षमतेच्या अत्याधुनिक रायफल्सना हिरवा झेंडा दाखवून रवाना केले. त्यांनी संरक्षण क्षेत्रातील अत्याधुनिक शस्त्रनिर्मिती आणि स्वदेशी तंत्रज्ञानाच्या प्रगतीची माहितीही जाणून घेतली.

महाराष्ट्रासह देशभरात भारत फोर्जचे औद्योगिक जाळे

भारत फोर्जचे मुख्यालय पुण्यातील मुंढवा येथे असून कंपनीचे उत्पादन प्रकल्प महाराष्ट्रातील पुणे, चाकण, बारामती, सातारा आणि वडोदरा येथे आहेत. याशिवाय लोणीकंद येथे संरक्षण वाहन निर्मितीचे केंद्र कार्यरत आहे. देशातील इतर उत्पादन केंद्रांमध्ये कोइम्बतूर, इरोड आणि नेल्लोर यांचाही समावेश आहे.

विशेष म्हणजे सातारा जिल्ह्यातील वडूथ परिसरात, जारंडेश्वर रेल्वे स्टेशनसमोर भारत फोर्जचे औद्योगिक केंद्र आहे. त्यामुळे सातारा जिल्ह्याचाही या औद्योगिक समूहाच्या उत्पादन जाळ्यात महत्त्वाचा सहभाग आहे.

भारत फोर्जचे उत्पादन जाळे भारतापुरते मर्यादित नसून उत्तर अमेरिका आणि युरोपमध्येही कंपनीचे उत्पादन प्रकल्प आहेत. कंपनीच्या आर्थिक वर्ष २०२५-२६ च्या माहितीनुसार पाच देशांमध्ये एकूण १८ उत्पादन सुविधा कार्यरत आहेत.

आत्मनिर्भर भारताच्या दिशेने महत्त्वाचे पाऊल

संरक्षण क्षेत्रात स्वदेशी तंत्रज्ञान, आधुनिक शस्त्रनिर्मिती आणि देशांतर्गत उत्पादनाला चालना देण्याच्या दृष्टीने भारत फोर्जचे योगदान महत्त्वपूर्ण मानले जाते. पंतप्रधान नरेंद्र मोदी यांच्या आत्मनिर्भर भारताच्या संकल्पनेला बळ देणाऱ्या या औद्योगिक उपक्रमांची केंद्रीय गृहमंत्री अमित शाह यांनी घेतलेली माहिती संरक्षण उत्पादन क्षेत्रासाठी महत्त्वपूर्ण ठरली आहे.

अमित शाह यांच्या या भेटीमुळे पुण्यासह सातारा जिल्ह्यातील औद्योगिक क्षेत्राचे आणि महाराष्ट्राच्या संरक्षण उत्पादनातील योगदानाचे महत्त्व पुन्हा एकदा अधोरेखित झाले आहे.


म

मुख्य संपादक (Administrator)

अधिकृत वार्ताहर (Verified Reporter)
मुख्य संपादक (Editor-in-Chief) • पुणे विभाग

लाइव्ह महाराष्ट्र २४ मुख्य संपादकीय मंडळ. महाराष्ट्र व देशातील निष्पक्ष, निर्भीड आणि वेगवान पत्रकारितेसाठी कटिबद्ध.

संबंधित बातम्या