LIVE महाराष्ट्र२४

रामराजे छत्रपती आणि महाराणी ताराराणी यांच्या ऐतिहासिक भेटीचा साक्षीदार असलेल्या मंदिरात २०१२ पासून दीपोत्सवाची परंपरावडूथ : सातारा तालुक्यातील कृष्णाकाठावर वसलेल्या वडूथ येथील ऐतिहासिक श्री शाकुंतलेश्वर मंदिरात दिवाळी पाडव्याच्या शुभमुहूर्तावर भव्य दीपोत्सव उत्साहात साजरा करण्यात आला. हजारो पणत्यांच्या प्रकाशाने मंदिर परिसर उजळून निघाला. श्रद्धा, इतिहास आणि सामाजिक एकतेचा सुंदर संगम या दीपोत्सवातून अनुभवायला मिळाला.वडूथ येथील श्री शाकुंतलेश्वर मंदिराला मराठा इतिहासाची महत्त्वपूर्ण पार्श्वभूमी लाभली आहे. इतिहासकार गोविंद सखाराम सरदेसाई यांच्या New History of the Marathas, Volume II या ग्रंथातील नोंदीनुसार, २६ डिसेंबर १७४९ रोजी रामराजे (राजाराम द्वितीय) वडूथ येथे आले असता त्यांची महाराणी ताराराणी यांच्याशी श्री शाकुंतलेश्वर मंदिरात भेट झाली होती. पुढे ४ जानेवारी १७५० रोजी रामराजे यांचा साताऱ्यात राज्याभिषेक झाला. त्यामुळे या मंदिराला मराठा राजघराण्याच्या इतिहासात विशेष महत्त्व प्राप्त झाले आहे.कृष्णा नदीच्या तीरावर वसलेले वडूथ गाव धार्मिक, सांस्कृतिक आणि ऐतिहासिक वारशाने समृद्ध आहे. अशा ऐतिहासिक पार्श्वभूमी लाभलेल्या मंदिरात दीपोत्सव साजरा करण्याची परंपरा २०१२ पासून सुरू आहे. श्रीमंत छत्रपती उदयनराजे मित्र मंडळ, वडूथ यांच्या पुढाकारातून सुरू झालेला हा उपक्रम आज ग्रामस्थांच्या सहभागातून अधिक व्यापक होत आहे.मंडळ आणि ग्रामस्थांचा उत्स्फूर्त सहभागयंदाच्या दीपोत्सवाचे आयोजन श्रीमंत छत्रपती उदयनराजे मित्र मंडळाचे अध्यक्ष मदन साबळे यांच्या मार्गदर्शनाखाली करण्यात आले. मंडळाचे पदाधिकारी, कार्यकर्ते, तरुण मंडळी आणि ग्रामस्थांनी एकत्रितपणे परिश्रम घेत दीपोत्सव यशस्वी केला. पणत्यांची व्यवस्था, मंदिर परिसराची स्वच्छता, सजावट आणि नियोजनासाठी सर्वांनी मोलाचे योगदान दिले. हजारो पणत्या प्रज्वलित झाल्यानंतर मंदिराचा संपूर्ण परिसर दीपप्रकाशाने उजळून निघाला. हा नयनरम्य सोहळा पाहण्यासाठी